Senda das Ondas

Esta ruta sinalizada, que discorre totalmente pola costa, permite coñecer catro praias do Concello de Valdoviño que, ademais pola súa gran riqueza ambiental e paisaxística, destacan pola súa calidade para a práctica do surf: Vilarrube, Baleo, Pantín e A Frouxeira.

 

O percorrido ofrece ademais unha paisaxe conformada por algúns dos tramos máis espectaculares da costa galega, que poderemos apreciar en todo o seu esplendor dende os tres miradoiros que atoparemos ao longo do percorrido: San Xiao, Punta Oural e O Paraño, este último seleccionado como un dos 50 miradoiros imprescindibles en Galicia.