Praia e lagoa da Frouxeira

Estamos ante un dos humidais de maior valor ornitolóxico do norte de Galicia, sendo Zona de Especial Protección para as Aves (ZEPA – Rede Natura 2000). Aquí crían innumerables especies de aves, pasan o inverno ou descansan durante as súas longas viaxes. Isto fai que as súas costas sexan un dos lugares de Galicia máis visitados polos afeccionados á observación destes animais. As augas que bañan a area son frías e salobres, ademais de conter un alto nivel de iodo, o que a converteu tradicionalmente nun lugar frecuentado por moitas persoas polas súas supostas cualidades curativas para diversas doenzas.