Disfrutas Ortegal

DisfRutasOrtegal é unha empresa dedicada ao turismo activo, ofrecendo ao cliente rutas guiadas de interpretación da natureza pola Serra da Capelada.

Nas rutas de sendeirismo que realizamos centrarémonos na observación, a explicación e o coñecemento do entorno natural que nos rodea, facendo especial fincapé nos rastros e pegadas de fauna salvaxe, a flora endémica, as aves da zona e curiosidades de distintas especies animais, ademais do valor paisaxístico, cultural e etnográfico da zona.