Castro Sarridal

Este forte, escavado desde 2017 en diversas campañas, forma parte da segunda etapa da cultura castrexa (séculos V-II a.C.), pervivindo en época galaico-romana ata aproximadamente os séculos I-II d.C. A súa posición estratéxica entre cantís complétase coa construción de foxos e murallas, destacando entre todos os seus elementos o «Monumento con Forno», dedicado aos baños de vapor e datado no ano 230 a.C., e a súa Pedra Formosa, a máis antiga atopada en Galicia ata o momento.